ليلة العمر

من طرف KHALEID الإثنين 18 يونيو - 10:31

[img]

[/img]

اللقاء المحتوم تاتاتااااا

هو لقاء تتكون عليه الخطوط العريضه للزواج الوشيك

يوم المقابله بيكون مليان بالفاجأت والتعطيلات بطريقه غريبه جداً
وبتحصل كتير إن اهل العروسه يتلطعوا ساعه يستنوا الأفندى
وتكون عربيته عطلت مره واحده لو عنده عربيه
أو عجلة الميكروباص اللى راكبينه فرقعت

ولو وصل العريس بأمان لأرض أهل العروسه
ولقى العروسه حابسه نفسها فى الأوضه
وكل شويه مامتها تسيب القاعده وتجرى عالأوضه وتيجى وشها مخطوف بيبقى حاجه من الإتنين
_طقم العروسه تيييييييك اتقطع
_ماسكه فى خناق حد من اخواتها

واهل العريس عادة بيجيبوا جاتوه أو أى حاجه وهما داخلين بيت العروسه عشان البرستيج
والمستفيد من الحاجات دى المساخيط الصغيرين بيموتوا فى الطفاااسه

وبيكون العريس نوع من اتنين
مشدود شويه
وقاعد عامل فيها مكسوف بقى
ومعاه الكلينكس وكل شويه يمسح العرق اللى مره واااحده نزل عليه
والأغلب بتبقى المروحه مش شغاله
وحاطط ايديه الإتنين على بعض .. وعينه فى الأرض

فى بقى نووع وااااثيق من الفوز
قاعد وساند ظهره عالكرسى ورجله فاردهم لقدام اووووى
عشان يكعبل اى حد يعدى من قدامه
ومفيش معاه مناديل وعمال يجيب بعينه السقف والبلاط والسجاد والمروحه
وقلب الشقه يمين وشمال وهو قاعد .. وعمال يتكلم
ويفتح مواضيع مع عمه المستقبلى وحماته المستقبليه

وفى الحالتين اللى فاتوا بيبقوااا لابسين اللى عالحبل
والهدوم مكويه عند عم سيد أحسن مكوجى رجل فيكى يا مصـــر

وأم العريس بتبقى واخده ام العروسه فى جمب ودوووودووو دووودووو
وماحدش بيفهم بيتكلموا فى ايـــه
وبيتابعوا الحوار وكل فتره يقولوا تعليق او كلمه
وابو العريس قاعد يتكلم عن العقارات والأراضى اللى عندهم وشويه وابو العروسه يدخل بالكام مصنع اللى عنده

وفااااصل
تقوم ام العروسه قايمه تشوف البت اتاخرت ليـــه اوى كده
بعد ما تكون ام العريس طبعا قالت الجمله الشهيره
:
هى العروسه اتأخرت كده ليـــه
وهئ هئ هئ هئ هئ
"ضحكه عشان يبقى الكلام مش رخم"

ام العروسه دخلت اوضة العروسه ماحدش سااامع حاجه
:_ اخلصى يابت انتى العريس شويه وهيقوووووم
انجرى عالمطبخ شيلى الحاجه وقدميها فى الصينيه المدهبه بتاع الضيوف
الصينيه دى مش بتطلع غير فى حفلة معاش الراجل الكبير بتاع العيله

تقوم العروسه قايمه بقى
بعد ساعتين بص فى المرايه ولبس طقم مخصوووووص كان بيخليها حلوه
وبيخبى اى عيوب عندها
سواء بقى تخن أو سلوعه أو اى حاجه هى شايفاها عيب عندها
وتدخل بخطوات مرعووووبه الأوضه بتاع الضيوف وكلهم مررره واحده
يبصوااا عليهااا
كدهووووووووووو
O.o
"ايموشن بيبرررق"
وبعد ما توزع الكوبايات زى اللى ماشى فى عزا
وسعيكم مشكور وابتسااامه مرسومه وماشيه واحده واحده
تختار ابعد كرررسى فى الأوضه وتقعد عليــه
وبيبقى فى القاعده دى
كام مسخوط صغير من الأطفال
وكل اللى بيبقى شاغلهم فى القاعده
الجاتوه اللى جاى
شيكولاطه ولا كريمه !!!

وحاجه اخيره
لازم كل البيت ييجى يسلم على عيلة العريس
ويتفرج عليه بالمره
والعروسه قبل العريس ما ييجى بإسبوع
بتفضل عالتليفون ساعتين يومياً أو اكثررررر
تسأل اصحابها هتعمل ايه وهتتكلم فى ايه
وترد ازاى
وتدخل ازاى ,, وتلبس ايــه
وايه أكتر حاجه حلوه فى هدومها

هههههههههههههههههههههههههه

لقاء محترم جدا جدا

من طرف KHALEID الإثنين 18 يونيو - 17:04

هههههههههههههههههههههههههههه

تسلم يا مصطفى

خالص التحية

هههههههههههههههههههههههههههههههههههههههه

هههههههههههههههههههههههههههههههههههههههههههههههههههه

ده كان زمان ياخالد

النهارده العروسه تفتح لهم الباب , وتقعد مع العريس وياريت تكون مسبلالو عيونها لكن مفنجلاهم على الاخر

ولوحد من القرود المساخيط من اخوتها فكر يقرب تلاقيها زغرت له ان مانفعش صوتها يعلا ولايهيمها

وبعدها تلاقى صوتها بيوشوش العريس وتقوله لو بابا سالك عن كذا قوله كذا وسيب لى الباقى انا حاتصرف معاه

لغاية لما تيجى الطوبه فى المعطوبه ويوم الفرح بعد ماكع دم قلبه ياتمضى على قايمه بالالوفات يامافيش فرح بابا مصمم

ياتكتب مؤخر كذا يامافيش فرح ماما صممت وماقدرش اقول لها لأه

وياعينى على العريس واهل العريس

وزغروده للعروسين ههههههههههههههههههههههههههه